चालू खाते (करन्ट खाते)

चालू खाते वैयक्तिक आणि संयुक्त नावे, प्रोप्रायटरी, भागीदारी संस्थेच्या नावे आणि कंपनीच्या नावे उघडता येते. व्यापार उदिमासाठी लागणारे पैसे भरणे, त्यासंबंधित धनादेश वटवणे व अन्य आर्थिक उलाढालीन्साठी चालू खात्याचा प्रामुख्याने उपयोग केला जातो.

किमान रु. २५००/- भरून चालू खाते उघडता येते आणि सदर चालू खात्यावर कमीत कमी रु. २५००/- शिल्लक असणे आवश्यक आहे. चालू खात्यातील शिल्लक रकमेवर व्याज दिले जात नाही. चालू खात्यावर किती वेळा व्यवहार करावा याला बंधन नाही. चालू खात्यावरील चेकबुकसाठी प्रत्यक चेकला रु. २/- याप्रमाणे शुल्क आकारले जाते. दर महा दिल्या जाणाऱ्या स्टेटमेंट साठी कोणत्याही प्रकारचे शुल्क आकारले जात नाही. वैयक्तिक व प्रोप्रायटरी संस्थेच्या नावे असलेल्या चालू खात्यांवर नामांकन सुविधा उपलब्ध आहे.

चालू खाते उघडण्यासाठी लागणारी कागदपत्रे

चालू खाते उघडण्यापूर्वी पुढील कागदपत्रांची पूर्तता करणे आवश्यक आहे.

• खाते उघडण्यासाठी लागणारा फॉर्म योग्य रीतीने भरलेला असावा.
• व्यवसायाच्या पत्त्याचा पुरावा
• PAN कार्डाची फोटोप्रत (स्वत:ची ओळख देण्यासाठी)
• २ फोटो (खातेदारांचे)
• बँकेतील खातेदाराची ओळख (ओळख देणाऱ्याचे चालू खाते असणे आवश्यक)

आपल्याला हे ही वाचायला आवडेल...

• बचत खाते
• एन.ई.एफ.टी.
• कल्याण उद्योग (व्यवसाय कर्ज)